دامن اخلاق دا دست وچکار میرے اسوہ حسنہ تے عمل پہیرا آں میں

اونچ نیچ در گزر ہمیش کیتی حُب دار مخلوق دا بے پناہ آں میں

ظالم شر شیطان توں بچنے لئی سوہنے رب ول کردا نگاہ آں میں

میرے بخت پئے ناز عدؔیل کردے رکھدا دین جو دینِ مصطفیٰ آں میں

تول کے بولیے بول اپنے ذرا ہوش دے نال گزارہ کریے

نکلے نفرت دا بول جے پُہل کے وی ایسی حرکت نہ کدی دوبارہ کریے

حسد بغض تے کینیاں پاک ہوکے پیش سُخن وی کوئی نیارہ کریے

جیکر منزل نہ نظر عؔدیل آوے دور بیٹھ خاموش نظارہ کریے

ادب سے چُوم لو مسلمان بھائیو قرآنِ پاک میں سارے بیان پُھول ہیں

حدیثِ پاک بھی ہے خوبصورت مدنی ماہی کے کُل فرمان پُھول ہیں

کلمہ نماز روزہ حج زکات بلکہ دین کے پانچوں ارکان پُھول ہیں

اللہ نبی کی اطاعت عدیؔل لازم ہمارے لیے دونوں جہان پُھول ہیں

مال دنیا دا کسے نئیں نال کھڑنا فانی جگ دی ہر چیز پرائی ہونڑی

ایسن کم نہ کھوٹیاں کاراں بنگلے گور لوکاں نے دو گز بنائی ہونڑی

پھونک پھونک کے رکھ لے قدم اپنے ہوسی پیش او جہڑی نبھائی ہونڑی

عملاں نال نجاتاں عدیؔل ملسن دولتاں نال نئیں اوتھے رہائی ہونڑی

چھوڑ لمبے خیال قریب ہی رہو ہستی تیری زمین وچ جاونڑی اے

پوری دنیا دی کدوں خواہش ہوندی یکدم روح نے پلٹ ہی کھاونڑی اے

فکر اُسدی کر جہڑا کجھ پیش ہونڑا اوتھے دنیا نئیں مدد کراونڑی اے

اتنا ذہن نشین عدیؔل کر لے آخری جُھگی ویرانے وچ لاونڑی اے

نبی آدم سیں لے کے اج توڑی چلدا سلسلہ موت دا آ رہیا اے

ہر اک بچہ تے بوڑھا روان ہوندا ملکل الموت کُل پور مکا رہیا اے

کُل نفس ذائقہ الموت بر حق صاف صاف قرآن فرما رہیا اے

رہناں اساں نہ تساں نہ کسے عاؔبر کہڑی گل دا لالچ بُھلا رہیا اے