حماد حافؔی
حافظ حماد علی حافی ضیائی ایک عالم دین، مصنف اور شاعر ہیں۔ آپ کی دو کتب اقبالیات پر شائع ہو چکی ہیں اور آپ چو مصرع سہ ماہی مجلہ کے نائب مدیر بھی ہیں۔ آپ کی شاعری میں معاشرتی پہلو نمایاں طور پر نظر آتا ہے اور آپ پنجابی و پوٹھوہاری زبان میں چو مصرع شاعری کرتے ہیں، جو پوٹھوہار میں بے حد مقبول صنف ہے۔ عالم دین ہونے کے ناطے، آپ کی شاعری میں معاشرتی اصلاح اور فکری جہت واضح طور پر جھلکتی ہے۔ آپ ایک اصلاحی شاعر ہیں اور یہی آپ کے فن کی سب سے بڑی خصوصیت ہے۔
شعر سنن سنان دا گئیا ویلا واہ واہ دی چیخ و پکار رہ گئی
رہیا ساز پر سوز نہ کیف خالص خالی کنگرو دی باقی چھنکار رہ گئی
ہائے خزاں وچ بدلی بہار یکدم بلبل کہندی گلزار گلزار رہ گئی
فن سخن وی کهندا حماد حافؔی فقط دنیا فنکار فنکار رہ گئی
اوجِ سخن نئیں سمجھ نا سمجھ سکدا اہل سمجھ کر سوچ و بچار سمجھے
قاعدے کلیے دی جانچ پڑتال کر کے نیند غفلت تھیں بندے بیدار سمجھے
خونِ جگر سنگ چڑھدا پروان مصرع اہلِ مصرع ہی راز منجھدار سمجھے
ویکھ چاقو دی چمک چمکار حاؔفی اندھے عقل دے چاقو تلوار سمجھے
میرا دیس پردیس تھیں ودھ گئیا فرق عام تے رئیا وچ خاص کوئینی
بیٹھے مرد پر عورت جما نظراں جسم عورت دا ظاہر لباس کوئینی
تسبیح نفرت نی بندے پروئی جاندے الفت پیار بھائی چارہ احساس کوئینی
لگدا ڈاہڈا افسوس ایہہ دیکھ منظر ناظر منظر نوں ویکھ اداس کوئینی
حافؔی بس کر! قلم نوں روک اتھے دکھ درد بے گنت قرطاس کوئینی
دور حاضر دے فتنے فساد اندر مرنا سوکھا تے جینا دشوار ہویا
اہل دنیا دی سنگت نبھان خاطر مائی باپ تھیں بیٹا بیزار ہویا
جامِ الفت نوں کرنا تلاش پیندا گرم نفرت دا ہر سو بازار ہویا
جہڑا ماہر وچ مکر و فریب حاؔفی اوہی قوم دا بنیا سردار ہویا
رش یاراں فنکاراں دا کی کرساں ہووے ہکو پر مرد میدان چاہیے
کچے دھاگے دے وانگ جو ٹوٹ جاوے ایسا وعدہ نہ عہد و پیمان چاہیے
مال و دولت نی کرنی فرمائش نئیں ایں یار یاراں دا قلبی سلطان چاہیے
دسے چاڑ کے سنگت نوں توڑ حاؔفی مہونڑاں ایسا کوئی نسلی جانان چاہیے
کائنات نوں جس دم وجود ملیا ماہ و سال دا اس دم وجود نئیں سی
صبح شام نہ ضربی حساب گھنٹے واللہ منٹاں دی روشن حدود نئیں سی
جس دم کُن سنگ تارے افلاک بنتے اُس دم کدوں ناں ہویا ورُود نئیں سی
ایہو واضح قرآن و حدیث میں ہے بالکل ٹائم لیئی حاؔفی نمود نئیں سی